Krenare Çerkini

Unë jam Krenare Çerkini, nga Ferizaj, e angazhuar në fushën e arsimit, zhvillimit akademik dhe përfaqësimit qytetar. Besoj në fuqinë e dijes, përgjegjësisë dhe punës së ndershme për ndërtimin e një shoqërie më të drejtë dhe me më shumë mundësi për të rinjtë.

Kam përfunduar paralelisht dy studime bachelor dhe dy programe masteri me sukses të lartë, ndërsa aktualisht vazhdoj studimet e doktoratës në Bruksel. Përvoja ime si pedagoge universitare dhe pjesëmarrja në iniciativa ndërkombëtare për arsim dhe rini më kanë ndihmuar të ndërtoj një profil profesional të bazuar në dije, integritet dhe përkushtim publik.

Krahas angazhimit profesional dhe publik, jam edhe bashkëshorte dhe nënë e një djali. Për mua, familja, edukimi dhe përgjegjësia qytetare janë vlera themelore që më udhëheqin në çdo hap të jetës dhe angazhimit tim.

Me energji të re, vizion dhe përkushtim ndaj qytetarëve, synoj të kontribuoj në fuqizimin e rinisë, avancimin e arsimit dhe krijimin e mundësive më të mira për të ardhmen e Kosovës.